ކުރިއަށް އޮތް ރިޔާސީ އިންތިޚާބުގައި ރާއްޖެއާއި ބޭރުގެ ގައުމުތައް ހިމެނޭހެން، ބަހައްޓާން ހަމަޖެހިފައިވަނީ ޖުމުލަ 604 ވޯޓުފޮށި ކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ.
އީސީގެ ނައިބުރައީސް އިސްމާއީލު ހަބީބުކުރެއްވި ޓްވީޓެއްގައި ވިދާޅުވީ، 2023 ސެޕްޓެމްބަރ 9 ވަނަ ދުވަހު ބާއްވާ ރިޔާސީ އިންތިޚާބުގައި، ރާއްޖެ އާއި ރާއްޖޭން ބޭރުގައި 604 ވޯޓުފޮށި ބަހައްޓާގޮތަށް ކޮމިޝަނުން އާދީއްތަ ދުވަހު ނިންމާފައިވާ ކަމަށެވެ.
ވޯޓްފޮށި ބަހައްޓާން މިހާތަނަށް ނިންމާފައިވާގޮތް:
- ރައްޔިތުންނަށް 61 ވޯޓު ފޮށި
- މާލޭގައި ދިރިއުޅޭ އަތޮޅުތަކުގެ ރައްޔިތުންނަށް 77 ފޮށި
- ހުޅުމާލޭ ފޭސް އެކެއްގެ މާލޭ ރައްޔިތުންނަށް 6 ފޮށި
- ހުޅުމާލޭ ފޭސް އެކެއްގެ އަތޮޅުތަކުގެ ރައްޔިތުންނަށް 16 ފޮށި
- ހުޅުމާލެ ފޭސް 2 މާލޭސިޓީ ރައްޔިތުންނަށް 1 ފޮށި
- ހުޅުމާލެ ފޭސް 2 އަތޮޅުތަކުގެ ރައްޔިތުންނަށް 16 ފޮށި
- ވިލިމާލޭގެ މާލޭ ރައްޔިތުންނަށް 6 ފޮށި
- ވިލިމާލޭގެ އަތޮޅުތަކުގެ ރައްޔިތުންނަށް 4 ފޮށި
- އަތޮޅުތަކުގައި 319 ފޮށިރިސޯޓުތަކުގައި 78 ފޮށި
- މާފުށީ ޖަލުގައި 2 ފޮށިއައްސޭރި ޖަލުގައި 1 ފޮށި
- ހުޅުމާލެ ޖަލުގައި 1 ފޮށި
- ދޫނިދޫގައި 1 ފޮށި
- ހުޅުލޭގައި 1 ފޮށި
- ތިލަފުށީގައި 1 ފޮށި
- އިންޑިއާގެ ޓްރިވެންޑްރަމްގައި 1 ފޮށި
- އިންޑިއާގެ ނިއު ދިއްލީގައި 1 ފޮށި
- މެލޭޝިޔާގެ ކުއަލަލަމްޕޫރުގައި 2 ފޮށި
- ސިންގަޕޫރުގައި 1 ފޮށި
- ސްރީލަންކާގެ ކޮލަމްބޯގައި 4 ފޮށި
- އިނގިރޭސިވިލާތުގެ ލަންޑަންގައި 1 ފޮށި
- ތައިލެންޑްގެ ބެންކޮކްގައި 1 ފޮށި
- ޔޫއޭއީގެ އަބޫދާބީގައި 1 ފޮށި
- ޖަޕާންގެ ޓޯކިޔޯގައި 1 ފޮށި
ހަބީބު ވިދާޅުވީ، ރީ-ރަޖިސްޓްރޭޝަނަށް ފަހު، ވޯޓުފޮށިތަކުގެ ޢަދަދަށް ބަދަލު އައުމަކީ އެކަށީގެންވާ ކަމެއް ކަމަށާއި ވޯޓުފޮށީގެ ނަންބަރާއި، ވޯޓުފޮށީގެ ކޯޑު، ވޯޓުފޮށީގެ ނަމާއި، ވޯޓުލާ ސަރަޙައްދު އަދި ވޯޓުފޮށި ބަހައްޓާ ރަށާއި، ތަންތަނުގެ ތަފްސީލް މިރޭ އީސީ އިން އިޢުލާން ކުރާނެކަމަށެވެ.
