އެމެރިކާގެ ރިޔާސީ އިންތިޚާބު، އެގައުމުގެ ކުރީގެ ރައީސް ޑޮނަލްޑް ޓްރަމްޕް ކާމިޔާބު ކުރައްވައިފިއެވެ.
މިފަހަރުގެ އިންތިޚާބުގައި ޓްރަމްޕު ވަނީ 291 އިލެކްޓޯރަލް ވޯޓް ހޯއްދަވައިފައެވެ. މި އިންތިޚާބުގައި އޭނާއާ ވާދަކުރެއްވި މިހާރުގެ ނައިބު ރައީސް ކަމަލާ ހެރިސްއަށް ލިބިވަޑައިގަތީ 222 އިލެކްޓޯރަލް ވޯޓެވެ.
ދެ ކެންޑިޑޭޓުންގެ ތާޢީދަށް ބަލާއިރު ވަރަށް ގާތުން ވާދަވެރިކޮށްދިޔަ މިއިންތިޚާބުގައި ޓްރަމްޕަށް 71،859،582 ޕޮޕިއުލާ ވޯޓް ލިބިވަޑައިގަތެވެ. ހެރިސް އަށް ލިބިވަޑައިގަތީ 66،990،141 ވޯޓެވެ.
ޓްރަމްޕް ގެ ކާމިޔާބީގެ މާނައަކީ 2025 ވަނަ އަހަރު އެނބުރި ރައީސްކަމުގެ މަގާމަށް ވަޑައިގެން، މިހާރު އެމެރިކާއިން ގެންގުޅެމުންދާ ޚާރިޖީ ސިޔާސަތު ވަރަށް ބޮޑަށް ބަދަލުވެގެން ދާނެ ކަމެއްގެ ގޮތުގައި ތަޖްރިބާކާރުން ސިފަކުރެއެވެ.
