ޖުޣުރާފީގެ ސަބަބުން އިރާނާއި ސަޢޫދީ އަވައްޓެރީންނަށް ވާފަދައިން އީމާންކަމުގެ ސަބަބުން އެދެގައުމު އެއްބަނޑުއެއްބަފާކުރުވާ ކަމަށް، އީރާނުގެ ޚާރިޖީ ވަޒީރު ސަޢީދު ޢައްބާސް އަރަޣްޗީ ވިދާޅުވެއްޖެއެވެ. އޭނާ މިހެން ވިދާޅުވީ، މެދުއިރުމައްޗާއި ގަލްފުގެ ގައުމުތަކަށް ކުރައްވަމުން ގެންދަވާ ދަތުރުފުޅެއްގައި ސަޢުދީގެ ވެރިރަށް ރިޔާދަށް ވަޑައިގެންނެވެ.
އީރާނާއި ސަޢޫދީ ޢަރަބިއްޔާއާ ދެމެދު އޮތް ގުޅުމާ ބެހޭގޮތުން، ސަޢުދީ ޚާރިޖީ ވަޒީރު ވަލީއަޙްދު ފައިސަލް ބިން ފަރްހާންއާ ބައްދަލުކުރައްވައި އަރަޣުޗީ ވަނީ، އީރާނާއި ސަޢޫދީ ޢަރަބިއްޔާއާ ދެމެދު އޮތް ގުޅުމާ ބެހޭގޮތުން ވާހަކަފުޅު ދައްކަވައިފައެވެ. އަދި ދެގައުމު ގުޅިގެން ސަރަޙައްދަށް ހަމަޖެހުން ގެނެވޭނޭކަން އޭނާ ފާހަގަކުރެއްވިއެވެ.
އަރަގްޗީ ދެކެވަޑައިގަންނަވާ ގޮތުގައި އީރާނާއި ސައޫދީ އަރަބިއްޔާ ގުޅިގެން، ހަރުދަނާ ސިޔާސީ ވިސްނުމެއްގެ ތެރޭން، އެ ސަރަހައްދަށް ސަލާމަތާއި ހަމަޖެހުން ގެނެވިދާނޭކަމަށް އޭނާ ވިދާޅުވިއެވެ. ހަމަ އެހެންމެ، ސުލްޙައިގެ މި ދަތުރުފުޅު، ވަލީއަޙްދު ފައިސަލް ބިން ފަރްހާންއާއެކު ފެއްޓެވުމަކީ ލިބޭ ވަރަށް ބޮޑު އުފަލެއްކަމަށް ވިދާޅުވިއެވެ.
ވަލީއަޙްދު ފައިސަލް ވިދާޅުވީ، މެދުއިރުމައްޗާއި ގަލްފު ސަރަހައްދުގެ ސުލްހަމަސަލަސްކަމާއި ކުރިއެރުމަށް އެންމެން ގުޅިގެން މަސައްކަތް ކުރުމަށް އަޒުމް ކަނޑައަޅުއްވާ ކަމަށެވެ.
އަހަރުތަކެއް ވަންދެން ގުޅުންތައް ހީނަރުވެފައިވާ، ސަޢުދީއާއި އީރާނުގެ މި ބައްދަލުވުމަކީ ސަރަޙައްދުގެ ޞުލްޙަމަސަލަސްކަމާއި އެއްބާރުލުމަށް އެޅުނު އުއްމީދީ ފިޔަވަޅެއްކަމަށް ތަޖްރިބާކާރުން ސިފަކުރެއެވެ.
އަރަޣްޗީގެ މި ދަތުރުފުޅުގައި ވަނީ، ސައުދީ ވަލީއަހުދު މުހައްމަދު ބިން ސަލްމާނާ ވެސް ބައްދަކުރައްވައި، ފަލަސްތީނުގެ ބިންތައް އިސްތިޢުމާރުކޮށްގެން ތިބި، ސަހްޔޫނީ ޔަހޫދީންގެ ސަބަބުން މެދުއިރުމަތީގައި ފެތުރެމުންދާ ހަމަނުޖެހުންތައް ހުއްޓުވާން، ގައުމުތައް ގުޅިގެން ގޮތްތަކެއް ހޯދުމަށް މަޝްވަރާކުރައްވައިފައެވެ.
