އޮކްޓޯބަރު 7، 2023 އިން ފެށިގެން މިހާތަނަށް، ފަލަސްތީނުގެ ބިންތަކަށް ވެރިވެތިބި އިޒްރޭލުގެ އިސްތިޢުމާރީ ޓެރަރިސްޓުން ދެމުންދާ ލާއިންސާނީ ހަމަލާތަކާއި، ހިންގަމުންދާ ގަތުލުޢާންމުތަކުގައި ޣައްޒާގައި ޝަހީދުވި މީހުންގެ އަދަދު މިވަނީ 42،709 އަށް އަރާފައެވެ. މީގެ ތެރޭގައި ގިނައީ ހަނގުރާމައާ އެއްވެސް ގުޅުމެއް ނެތް، މަޢުޞޫމު ކުޑަކުދީންނާއި އަންހެހުންނެވެ.އިޒް
ޣައްޒާ:
- ޝަހީދުވި މީހުން: ސަހްޔޫނީންގެ އަނިޔާވެރިކަމުގައި 42،709 މީހުން ވަނީ ޝަހީދުކޮށްލައިފައެވެ. އޭގެ ތެރޭގައި ގާތްގަނޑަކަށް 16،765 ކުޑަކުދިން ވެސް ހިމެނެއެވެ.
- ޒަހަމްވި: ހަމަލާތަކުގައި 97،590 އަށް ވުރެ ގިނަ މީހުންނަށް އެކިވަރުގެ ޒަޚަމްތައް ލިބިފައިވެއެވެ.
- ގެއްލިފައި: ހަނގުރާމައިގެ ސަބަބުން ވީނުވީއެއް ނޭނގި ގެއްލިފައިވާ މީހުންގެ ޢަދަދު 10،000 އަށް ވުރެ ގިނައެވެ.
ހިފާފައިވާ ހުޅަނގު އައްސޭރި:
- ޝަހީދުކޮށްލާފައިވާ: 164 އަށް ވުރެ ގިނަ ކުޑަކުދިންނާ އެކު 744 މީހުން ޝަހީދުކޮށްލާފައިވެއެވެ.
- ޒަހަމްވި: 6،250 އަށް ވުރެ ގިނަ މީހުންނަށް ވަނީ އެކިވަރުގެ އަނިޔާތަކާއި ޒަޚަމްތައް ލިބިފައެވެ.
އިޒްރޭލުގެ އޮފިޝަލުން ވަނީ އޮކްޓޯބަރު 7 ވަނަ ދުވަހު ދިން ހަމަލާތަކުގައި ސަހްޔޫނީ ޓެރަރިސްޓުންގެ ތެރޭން މަރުވި މީހުންގެ އަދަދު 1405 އިން 1139 އަށް ބަދަލުކޮށްފައެވެ.
ސަހްޔޫނީ އިސްތިޢުމާރީން:
- މަރުވި: 1،139 މީހުން
- ޒަހަމްވި: 8،730 މީހުން
ޣައްޒާގެ ސިއްހީ ވުޒާރާއިން ހާމަކޮށްފައިވާ ގޮތުން، ފާއިތުވި 24 ގަޑިއިރުގެ ތެރޭގައި އިސްރާއީލު ސިފައިން ވަނީ ފަލަސްތީނުގެ 56 މީހުން ޝަހީދުކޮށް، އިތުރު 278 މީހުން ޒަޚަމްކޮށްލާފައެވެ. އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.
ސަޙްޔޫނީ ޓެރަރިސްޓުން އެމްބިއުލާންސްތަކާއި ރެސްކިއު ޓީމުތަކަށް ހުރަސް އަޅަމުން ދާތީ، ޒަޚަމްވި މީހުންނާއި ޝަހީދުވެފައިވާ މީހުންނާ ހަމައަށް ވާސިލްވުމަށް، އިމަޖެންސީ ޚިދުމަތްދޭ ފަރާތްތަކަށް ވަނީ ދަތިތަކާ ކުރިމަތިލާން ޖެހިފައެވެ. ގިނަ ބަޔަކު ތިބީ ޢިމާރާތްތަކުގެ ދަށުގައި ނުވަތަ މަގުމަތީގައި ތާށިވެފައެވެ.
