މަނިޓަރީ ސިސްޓަމްގެ ސަލާމަތީކަންކަން ހަރުދަނާ ކުރުމުގެ ގޮތުން އެމެރިކާގެ ބިއުރޯ އޮފް އެންގްރޭވިން، ސީކްރެޓް ސާވިސް އަދި އެޑްވާންސްޑް ކައުންޓަރފީޓް ޑިޓާރެންސް (އޭސީޑީ) ސްޓިއަރިން ކޮމިޓީން މިވަނީ، 2024 ވަނަ އަހަރުގެ އޮކްޓޫބަރު މަހުން ފެށިގެން އެމެރިކާގެ ފިހާރަތަކާއި ބޭންކުތަކާއި އޭޓީއެމްތަކުން ޑޮލަރުގެ ބައެއް ބިލްތައް ބަލައިގަތުން ހުއްޓާލަން ނިންމައިފައެވެ.
ރިޕޯޓްތައް ބުނާ ގޮތުން، މަނިޓަރީ ސިސްޓަމްގެ ސަލާމަތީކަންކަމާ ގުޅޭ ހިންގާ ކޮމިޓީން މި މަހުން ފެށިގެން ބާތިލްކުރާން ނިންމާފައިވާ ޑޮލަރު ބިލްތަކަކީ "ހަލާކުވެފައިވާ" ކެޓަގަރީގައި ހިމެނޭ ހުރިހާ ބިލެކެވެ.
ހަލާކުވެފައިވާ ބިލްތަކުގެ ގޮތުގައި ފާހަގަކޮށްފައި ވަނީ ފަޅައިގެން ނުވަތަ އިރައިގެން ގޮސްފައިވާ، އަނދައި، ނުވަތަ ވަރަށް ބޮޑަށް ހަލާކުވެފައިވާ ބިލުތަކެވެ. މި ބިލްތައް ވިޔަފާރީގެ މުއާމަލާތްތަކަށް މިހާރު ބަލައިނުގަންނާނެއެވެ. އޭގެ ބަދަލުގައި އެފަދަ ބިލްތައް ގެންގުޅޭ ފަރާތްތަކުން މިހާރު ހަދަން ޖެހޭ ގޮތަކީ، ބިއުރޯ އޮފް އެންގްރޭވިން އެންޑް ޕްރިންޓިންގގައި އެތަކެތި ބަދަލުކުރުމެވެ.
މި ބަދަލުގެ ބޭނުމަކީ، ދައުރުވަމުންދާ ފައިސާގެ ރައްކާތެރިކަމާއި ފެންވަރު ރަނގަޅު ކުރުމެވެ. އަދި ކުރިއަށް އޮތް މަސް ތަކުގައި 5 ޑޮލަރާއި 20 ޑޮލަރާއި 50 ޑޮލަރާއި 100 ޑޮލަރުގެ ބިލަށް އާ ޑިޒައިންތަކެއް ވެސް ތައާރަފް ކުރާނެކަމަށް ރިޕޯޓުތައް ބުނެއެވެ.
އެހެންކަމުން އޮކްޓޯބަރު 2ގެ ކުރިން އެފަދަ ބިލްތައް ޗެކްކޮށް ހަލާކުވެފައިވާ އެއްވެސް އެއްޗެއް ހުރިނަމަ އެ ފައިސާ ބަދަލުކުރާން އިދާރާތަކުން ވަނީ އިރުޝާދުދީފައެވެ. އޭރުން ބާޒާރުކުރުމުގައާއި އަދި ބޭންކިން ޚިދުމަތްތަކުގައި ދިމާވާ ދަތިތަކުން ސަލާމަތްވެވޭނެއެވެ.
