ކުރީގެ ރައީސް އިބްރާހީމް މުޙައްމަދު ޞާލިހުގެ ސަރުކާރުގެ ދުވަސްވަރު، ރާއްޖެއާއި އިންޑިއާއާ ދެމެދު އެއްބަސްވެފައިވާ ރާއްޖޭގެ ހައިޑްރްގްރަފީ ސާވޭ ހެދުމުގެ އެއްބަސްވުން އާ ނުކުރާނެކަން އިންޑިއާ ސަރުކާރަށް މިހާރު އަންގާފައިވާ ކަމަށް ސަރުކާރުން ހާމަކޮށްފިއެވެ.
ސަރުކާރުގެ މަސައްކަތްތަކާއި ގުޅޭގޮތުން މައުލޫމާތު ހާމަކުރުމަށް މިއަދު ބޭއްވި ނޫސްވެރިންގެ ބައްދަލުވުމުގައި، ރައީސް އޮފީހުގެ ޕަބްލިކް ޕޮލިސީގެ އަންޑަ ސެކްރެޓަރީ މުހައްމަދު ފިރުޒުލް ވަނީ ބޭރު ޤައުމަކާއި އެކު ހަދާފައި ހުރި ޤައުމީ ސަލާމަތަށް ނުރައްކާވާ އެއްބަސްވުން އުވާލުމުގެ ވައުދުގެ ތެރެއިން ނިންމާފައި ނިންމުމެއް ކަމަށެވެ.
ފިރްޒުލް ވިދާޅުވީ މި އެއްބަސްވުން ހަދާފައި އޮތީ ޖޫން 7، 2024 ގައި މުއްދަތު ހަމަވާ ގޮތަށް ކަމަށާއި މި އެއްބަސްވުން އާކުރަން ބޭނުން ނުވާ ނަމަ އޭގެ ހަ މަސް ދުވަހުގެ ކުރިން އަންގަންޖެހޭ ކަމަށެވެ. އެހެން ނޫން ނަމަ، އެއްބަސްވުން އޮތީ އިތުރު ފަސް އަހަރަށް ދެމިގެންދާ ގޮތަށް ކަމަށް އޭނާ ވިދާޅުވިއެވެ.
ފިރުޒުލް ވިދާޅުވީ އޭގެ ބަދަލުގައި ރައީސްގެ ވިސްނުންފުޅަކީ މި މައުލޫމާތަކީ އެމްއެންޑީއެފްގެ އެތެރޭގައި އިތުރު އެއްވެސް ފަރާތެއްގެ އެހީއާއި ނުލާ ރައްކާކުރެވިފައި ހުންނަން ޖެހޭ މައުލޫމާތު ކަމުން އެކަން ކުރުމަށް ބޭނުންވާ ޤާބިލުކަން އިތުރު ކުރަން ޖެހޭ ކަމަށެވެ.
