ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކުލަވައިލެއްވި، އެމަނިކުފާނުގެ ވަޒީރުންގެ މަޖިލީހުގެ މެންބަރުންނަށް ރުހުން ހޯދުމަށް، ރައްޔިތުންގެ މަޖިލީހަށް ފޮނުވައިފިއެވެ.
ރައީސް އޮފީހުން ހާމަކޮށްފައި ވާގޮތުން، ގާނޫނުގެ އަސާސީގެ 129 ވަނަ މާއްދާގެ ދަށުން ކެބިނެޓުގައި ހިމެނޭ 22 މިނިސްޓަރުންގެ ނަމަށް ރުހުން ހޯދުމަށް، ހޯމަދުވަހު ވަނީ ރައްޔިތުންގެ މަޖިލީހަށް ހުށަހަޅައިފައެވެ.
އާ ސަރުކާރުން ވަޒީރުންގެ މަޖިލީހަށް ރުހުން ހޯދަން ރައްޔިތުންގެ މަޖިލީހަށް ހުށަހެޅިއިރު، މިހާރު ރައްޔިތުންގެ މަޖިލީހުގައި ތިއްބެވީ ސަރުކާރު ތަމްޡީލުކުރައްވާ އެންމެ ފަސް މެންބަރުންނެވެ.
ނަމަވެސް، ރައީސުލްޖުމްހޫރިއްޔާ ޑރ. މުއިއްޒު ރައީސްކަމުގެ ހުވާކުރެއްވި ރަސްމިއްޔާތުގައި މަޖިލީހުގެ އާ ރައީސް މުޙައްމަދު އަސްލަމް ވަނީ، މަޖިލީސްތެރޭން އާ ސަރުކާރަށް ފުރިހަމަ އެއްބާރުލުން ދެއްވާނޭ ކަމަށް ވިދާޅުވެފައެވެ.
